طبعاً هالمشروع يختلف إختلاف كبير عن مشروعي الأول من ناحية العرض واستراتيجيات التسويق .
بس هالإختلاف وسع من خبرتي أكثر، و تعلمت أكثر من الأخطاء اللي طحت فيها .
في سنة 2018 بديت أدخل عالم التدريب. واايد أحب هالمجال.. من صغري في أيام المدرسة كنت أدرب و أعطي ورش و دورات تدريبيه فحبيت اني أخذ شهادة ( مدرب دولي معتمد ) و بالفعل خذت الكورس في 2018 بس ما تعمقت وايد في هالمجال وقتها و هالشي من الأخطاء اللي سويتها.
بعدها خذت كورس اللايف كوتش في 2021 و كنت جداً استمتع في تقديم جلسات الكوتشنغ للعملاء.
حبيت عالم الإستشارات ، فخذت شهادة ( استشاري سعاده و جودة حياة ) في 2022.
لو تلاحظون انه مرحلة العلم و التعلم و تطوير المهارات ما توقف عند أي مرحله بالعكس .. كل ما طورتوا من مهاراتكم
كل ما تعرفتوا على شغفكم أكثر و تكاثرت الفرص قدامكم و تزيد خبرتكم